Sarbidea

Sarrera

Adifek, Sustapen Ministeriori atxikitako enpresa-entitate publikoak, euren erabiltzaileen eskura jartzen du guztientzako eskuragarria eta praktikoa den komunikatzeko kanala. Helburua oztopoak kentzea du, sareko webgunearen itxura hobetuta. Horretarako, gehienezko soiltasunaren, irismenaren eta eraginkortasunaren irizpideak hartu ditu kontuan, eskainitako informazioa eta zerbitzuak kontsultatu nahi dituen edonori zabaltzeko.

Erabilerraztasuna

Europako Batasunak, E-Europa 2002 ekintza-planari buruz, 2002ko martxoaren 25ean emandako gidalerroekin lerratzen da ekintza hau. Bertan, "Gune publikoen eta euren edukien erabilerraztasuna" jorratzen da. Era berean, 2002ko uztailaren 11ko informazio-gizartearen eta merkataritza-elektronikoaren legeko xedapenak betetzen ditu; baita "Webguneak editatzeko eta argitaratzeko Estatuko Administrazio Orokorraren gidako" aginduak ere.

WAI jarraibideak

Zentzu honetan, Adifen webguneko edukiak A Bikoitza ziurtagiriarekin balioztatu dira, WAI (Web Accesibility Iniciative) taldeak emandako aholkuen arabera. Nazioartean lan egiten duen talde hori, W3C (World Wide Web Consortium) taldeko kidea ere bada. Azken horrek ziurtatzen du inongo taldek inolako gizarte-hausturaren iturburu izan daitekeen diskriminaziorik jasaten ez duela mundu birtualean. Horrela bada, Adifen atarian erabilitako teknikek WAIk aholkatutakoekin bat egiten dute, bai XHML markaketarako, bai CSSrako ere.

Kanpoko ziurtagiriak

Pertsona guztiei sarrera erraztearen helburua lortzeko, kanpoko bi erakunderen laguntza izan du Adifek. Erakunde horiek arduratu dira W3Cren WAI jarraibideak A Bikoitza Balidazioaren mailan bete direla ziurtatzeaz.

Eduki eskuragaitzak / salbuespenak

Gaur egun, edukietako batzuk ez dira gustatuko litzaizkigukeen bezain eskuragarriak. Kontu hori konpontzeko lanetan ari gara. Bitartean, honako eduki hauek ez dituzte jarraibideak betetzen:

  • Adifen webgunean txertatutako kanpoko aplikazioek edo interfazeek.
  • Pdf formatuan aurkeztutako zenbait dokumentuk erabilerraztasun-arazoak izan ditzakete.

Adifek konpromisoa hartzen du dokumentu horietako edozein eskatzen duen edonorri formatu erabilerrazean emateko.

Harremanetan jartzea

Une honetan, atariko orrialde guztietan erabilerraztasuna hobetzeko lanetan ari gara. Irregulartasunen bat ikusten baduzu, ez izan zalantzarik gurekin harremanetan jartzeko honako helbide elektronikoan: