Adif - Bideak irekitzen ditugu

Adifen funtsezko egitekoa gure lurraldeetako geltokiak trenbidearen bidez lotzea da. Eta modu seguruan egitea, gainera. Lan horrek etengabeko esfortzua eskatzen du gure trenbideak, katenariak, seinaleztapen-sistema, zirkulazio-kontrolerako zentroak eta, nola ez, gure geltokiak egoera bikainean mantentzeko.

Gure azpiegituren mantentze-lanei abiadura handiko lineak eraikitzea gehitu behar zaio. Lan horretan modu esanguratsuan lagundu dute alde batetik Europako Batasuneko funtsek —Kohesio Funtsen, EGEF-ren eta EBS-T-ren laguntzen bidez—, eta bestetik EIB-ren prestamoak, eskatutako kalitate-kanon handienei ematen zaiena.

Hainbat lurraldeetako trenbide-batasunek ingeniaritza-lan handiak (biaduktuak, tunelak...) eraikitzea eskatzen dute. Helburu horri inbertsioaren ekonomia- eta gizarte-errentagarritasunean jarrita ekin dio lanari Adifek.

Engranaje bakoitza funtsezkoa den sistema da trenbide-sistemarena; egunero, Espainiako trenbide-sarean, segurtasunez, puntualtasunez eta azkar, 5.000 trenek baino gehiagok zirkulatzen baitute, bidaiari nahi merkantzienak izan.

Atal honetan trenbide-azpiegitura zatien xehetasunak aurkituko dituzu: trenbideei dagozkienak (plataforma, errailak, elektrifikazioa, seinaleztapena, biaduktuen eraikuntza, tunelak...) eta bidaiari- eta logistika-zentroen zerbitzuenak.

Trenbide-geltokiak

Tren-garraio sistemaren barnean giltzarrizko eremuak dira geltokiak. Bidaiarien beharrei eta eurekin topatzera joaten diren pertsonen beharrei erantzun behar baitie. Beharrok dira, besteak beste, irisgarritasuna, espazio desberdinak egokitzea eta trenbide-zerbitzuen (informazioa, txartel-salmenta eta bezeroarentzako arreta) prestazioak

Trenbide-zerbitzuetatik haratago, Adifek espaziook herritarren zerbitzura jarri nahi ditu eta, horretarako, kulturarekin, artearekin, gizarte-kontzientziazio kanpainekin lotutako ekintzak errazten eta babesten ditu bere instalazioetan, dela Geltoki Irekia programaren bidez, dela instalazioetako merkataritza-guneak herritarren jarduera integratzailerako espazio gisa emanez.

Bidaiarien trenbide-sarea

Mapa interaktibo honen bitartez bidaiari-zerbitzua eskaintzen duten lineen ibilbideak ezagut ditzakezu, Abiadura Handiko sarean (nazioarteko zabalera) nahiz Ohiko sarean; geltoki nagusienen informazioa ere eskura dezakezu.

Logistika-zerbitzuak

Logistika-zerbitzuen esparruan, merkantzien trenbide-garraioan lan egiten duten enpresei mailegatzen dizkien terminalak eta beste instalazio batzuk egoki eta segurtasunez kudeatzeko egitekoa du Adifek.

Ondare-kudeaketa

Era berean, bere ondarearen (esteka) eta hirigintza-garapenen ardurazko kudeaketa egiteko konpromisoa hartzen du Adifek. Sustapen Ministerioak emandako arauen, planen eta programen arabera kudeatuko ditu, Adifen, autonomia erkidegoetako, udaletako eta sektoreko higiezinen enpresetako beste zuzendaritzekin elkarlan estuan.