Adif - Bideak irekitzen ditugu

EUROPAR BATASUNA

2007-2013 epean batera finantzatuko dute:

‘Espainiako Iparraldeko eta Ipar-ekialdeko Sarbide Berria’ ekimenean kokatzen da linea hau. Europar Erkidegoko lehentasunezko 14 proiektuetako bat da. Hain zuzen ere, Europako Trenbidearen Atlantikoko Ardatzaren lehentasunezko 3. proiektua da.

Madril - Segovia - Valladolid abiadura handiko linearen luzapena da eta etorkizuneko Gasteiz - Bilbo - Donostia/Frantziako muga abiadura handiko linearekin bat egingo du.

Besteak beste, abantaila hauek ekarriko ditu martxan jarritakoan: Valladolid eta Gasteiz arteko ibilbidea 21,4 km murriztuko du, eta gaur egun dituen 244,8 km izatetik 223,4 km izatera pasako da. Horri abiadura gehituta, bidaia-denbora erdira jaistea ekarriko du, hau da, 2 ordu eta 10 minutu irautetik ordubete pasatxo izatera pasako da.

Nazioarteko edo UIC (1,435 mm) zabalerako elektrifikatutako bide bikoitza izango du lineak. Bidaiariak garraiatzeko soilik eraikiko da eta, gehienez, 350 km/h-ko abiadura hartzeko diseinatu da.

Valladolidetik Gasteizeko zati berrian luzeraren % 6 egitura bakarretan eraikiko da eta % 9 tuneletan.

Garatu beharreko jardueren artean aipagarriak dira, bere konplexutasun bereziagatik, Ventas de Baños-eko lotunea, geltoki berria eta Burgosko saihesbidea; zerbitzuari dagokionez, aldiz, Pancorbo haitzarteko pasagune konplexua eta Miranda de Ebroren eta Gasteizen integrazioa. 

Venta de Bañoseko geltokia

2010eko abenduan, Sustapen Ministerioak, Adifek eta Ventas de Baños-en Udalak sinatutako lankidetza-protokoloa oinarri hartuta gauzatuko dira Venta de Baños-en gauzatzeko ekintzak. Uneko eraikinak arkitektura eta historia balio handia du trenbideari hainbeste lotutako Venta de Baños bezalako herriarentzako. Eta halaxe izaten jarraituko du egingo diren berritze-lanak amaitu ostean.

Eraikinaren barnealdeko egitura birmoldatuko da. Ondorioz, irisgarritasuna hobetuko da eta abiadura handiak eskatzen dituen zerbitzu berrietara egokituko da barrutia. Oro har, barrualdeko guneak berrantolatu, oraingo ataria eta leihatilak zabaldu eta bidaiarien eraikineko atariaren behealderako sarbidea integratuko da.

Proiektuak, halaber, geltokia bere hiri-ingurunean txertatzeko onurak egitea aurreikusten du. Iparraldeko fatxadaren ikusgaitasuna hobetuta, protagonismo handiagoa emango zaio geltokiaren multzoari eta, aurreikusitako sartzeko bideak lotuko zaizkion plaza berria eginda, hirian are gehiago integratuko da eta gune ireki berri bat eta hiriarekin eta bere garraiobideekin lotutako gunea lortuko da.

Venta de Baños-eko lotunea

Ventas de Baños-en kokatuko da Valladolid – Palentzia – León – Asturias linea Ventas de Baños – Burgos – Gasteiz – Frantziako muga linearekin lotuko zuen trenbide-triangelua. Ondorioz, posible izango da Valladolid, Palentzia eta Burgos arteko mugimendu zuzen guztiak egitea. 

Trenbide-lotura horretan kokatzen dira lineako bi biaduktu handienak, 1.300 eta 1.120 metroko luzerakoak, Pisuerga ibaia eta dagoeneko eraikitako beste azpiegitura batzuk saihesteko.

Burgoseko Trenbidearen saihesbidea

Hiriaren iparraldea zeharkatzen duen zati berria da eta 30, 1 km-ko luzera du guztira. Lehengo hiriko zeharkaldia libratzea eragin du saihesbideak.

2009ko otsailaren 19an jarri zen martxan eta nahiz eta, hasiera batean, hiru bideko plataforma batean zabalera iberiarreko eta balio anitzeko langeteko bi bide muntatu diren. Etorkizunean, abiadura handia iristen denean, Europako zabalerako (UIC) bi bide eta zabalera iberiarreko bide batera eraldatuko da.

Saihesbide horretan eraiki da Burgosko geltoki berria. Burgos-Rosa de Lima izena eman zaio, zorigaiztoko helikoptero istripu batean hil zen Rosa de Lima Manzano, trafikoko zuzendari nagusia izan zenaren ohoretan.

Bost bideko eta 3 nasako sorta eraiki da geltoki berrian. Etorkizunean, 2 bide zabalera iberiarrean geratuko dira eta 3, UIC zabalerara egokituko dira eta zabalera bereko beste bide bat gehituko da. Guztira, beraz, 6 bide izango ditu.

Pancorbo haitzarteko pasagunea

Pancorbo - Ameyugo azpi-zatian sartzen da eta zati horren ia ehuneko 80 (8,2 km) tunelak dira. Eraikiko duen zatirik luzeenak 4.360 metro izango ditu.

Benetan jasangarria eta natura errespetatzen duen trenbidea garatzea sustatzen dute Sustapen Ministerioak eta Adifek. Ondorioz, trenbidearen azpiegiturak diseinatzerakoan, eraikitzerakoan eta ustiatzerakoan, ahalik eta gehien errespetatzen dira natura-gune babestuak.

Ingurumen Inpaktuaren Adierazpena (IIA) betetzen dela zaintzeaz gainera; ikuspegi globaletik, lanak ingurunean zein gradutan integratuko diren eta lanetan hartutako ingurumen-neurrien eraginkortasuna baloratuko dira.

Linea berria eraikitzeak eragindako inpaktua txikitu nahi dute neurriek eta zeharkatuko dituen guneetako ekosistema zintzotasunez errespetatu nahi du, ikusizko-inpaktua, soinu-inpaktua eta paisaia-inpaktua txikituta.