Abiadura Handiko Lineak
Gasteiz – Bilbo – Donostia linea.
EUROPAR BATASUNA
2000-2006 epean batera finantzatu dute:
- EBS-G (Garraiorako Europa Barneko Sareak) laguntzak: azterketak eta proiektuak finantzatu ditu. Guztira, 16 milioi euroko laguntza eman du zeregin horretarako.
2007-2013 epean batera finantzatuko dute:
- EBS-G (Garraiorako Europa Barneko Sareak) laguntzak: Arratzua/Ubarrundia - Durango zatiko plataformaren lanak, 36,4 milioi euroko laguntza eman dela kalkulatzen da, eta Astigarraga - Irun zatikoak, 8,9 milioi euroko laguntza izan du.
- Halaber, Elorrio - Elorrio, Elorrio - Bergara eta Bergara - Arrasate azpizatiko azken eraikuntza-proiektuak lantzea eta linearako trenbide-hornikuntza elektrikorako ekipoaren diseinua ere kofinantzatu dute laguntza horiek. Zeregin horietarako 2,4 milioi euroko laguntza eman da.
(2011ko abenduaren 31eko datuak)
Linearen onura nagusiak
Gasteiz - Bilbo - Donostia - Frantziako muga Abiadura Handiko Linea berria Europar Batasunaren, 3. Lehentasunezko Atlantiko aldeko proiketuaren adarraren parte da eta jarraipena ematen dio Espainiako Madril - Valladolid - Gasteiz - Frantziako muga lineari.
Lineak Euskal Autonomia Erkidegoko hiru hiriburuak lotuko ditu abiadura handiarekin eta Euskadi gainerako penintsularekin eta Frantziarekin lotuko du.
Hiru euskal hiriburuak elkarrekin lotzeaz gainera, trenbide-azpiegitura berriak lotura izango du Iruñarekin "Nafarroako Korridorearen" bidez.
Martxan jartzen denean, hiru euskal hiriburuen tren-bidaien iraupena nabarmen jaitsiko da,. Batez ere, Gasteiz - Bilbo eta Gasteiz - Donostia arteko bidaia-denboraren murriztea, ehuneko 60 inguru, eta Bilbo - Donostia artekoa, ehuneko 80 inguru, nabarmentzen dira.
Linea berriak, gutxi gorabehera, 180,5 km-ko luzera izango du guztira (hiriburuetarako sarbidea kontatu gabe). Bereizitako bi adarrek osatzen dute: Gasteiz - Bilbo, 90,8 km-koa, eta Bergara - Donostia - Frantziako muga, 89,7 km-koa.
Gasteiz eta Bilbo arteko plataforma-proiektuak idazteaz eta exekutatzean arduratzen da Adif; baita bi hiriburuetan trenbidea integratzeari dagozkion lanez ere. Gainera, Arrasate - Elorrio - Bergara trenbide-lotuneari dagozkion zatietako plataforma-proiektuak idazteaz eta exekutatzeaz arduratuko da.
2006ko apirilean, Estatuko Administrazio Orokorrak, Eusko Jaurlaritzak eta Adifek lankidetza-hitzarmena sinatu zuten. Bertan adierazten denez, Eusko Jaurlaritzak, Estatuko Aurrekontu Orokorretan kargatuz, Gipuzkoako adarreko plataformako proiektuak idatzi eta eraikiko ditu, Bergarako 9. km-tik Irunera arte. Donostian trenbidea integratzeko adarra ere barne hartzen du.
Iruni dagokion zatia ez da euskal 'Y'aren informazio-azterketan sartzen, nazioarteko konexioaren zati da eta Sustapen Ministerioak garatuko du.
Adif, bere aldetik, linea guztiko bidea muntatzeaz, elektrifikatzeaz, seinaleztatzeaz, komunikazioez eta gainerako instalazioez arduratzen da.
Ibilbidearen ezaugarriak eta obra bereziak
Abiadura Handiko linea baten parametro teknikoak aintzat hartuta diseinatu da: UIC bide zabalera bikoitzarekin, 3.100 m-ko gutxieneko radiodun bihurguneekin, metroko 15 milarengo gehieneko aldapekin eta trafiko mistorako. Ondorioz, bidaiari- eta merkantzia-trenak ibili ahal izango dira.
Trenek, gehienez, 250 km/h abiadura hartzeko diseinatu da.
Lurraren zailtasun orografiko handiak saihesteko, egitura berezi kopuru handia eraiki behar da. Gasteiz - Bilbo zatiaren % 60 biaduktuak eta tunelak izango dira eta, Gipuzkoako adarraren kasuan, (ADIFek egingo duen Arrasate - Elorrio - Bergara trenbide-lotunea barne hartuta) % 80ra igoko da zifra hori.
Linea guztiko egitura bereziak, hala tunelak nola biaduktuak, ibilbidearen % 70ekoa da.
Tunel nabarmenenak hauek dira:
- Albertia tunela: 4.786 m (2.680 metroko bituboa),
- Udalaitz tunela: 3.185 m
- Zaratamo tunela: 2.728 m
- Induspe tunela: 2.224 m
- Galdakao tunela: 1.827 m
- Ganzelai tunela (1.365 m)
- Lukoko tunelak (970 metro)
Biaduktu nabarmenenak hauek dira:
- A-2620 errepide gaineko biaduktua: 1.401 m eta 90 m altuera arteko zutabeak.
- San Antonio – Malaespera biaduktua: 837 m
- Mañariako biaduktua: 616 m
- A-3002 eta N-1 errepide eta Zadorra ibai gaineko biaduktua: 505 m
- GI-3343 errepide gaineko biaduktua: 471 m
Gasteiz – Bilbo zatia. Adifek eraikia
90,8 km
44 biaduktu
23 tunel
Adifek Gasteiz eta Bilbo artean eraikiko duen zatiak 44 biaduktu eta 23 tunel izango ditu. Azpiegitura horietan igarotzen den zatiaren luzera osoaren ehuneko 20ko eta 40ko luzera, hurrenez hurren.
Adifek eraikitako adarreko azpiegituren artean, nabarmentzekoak dira Albertiako tunela, 4,8 km-koa eta proiektuko luzeena, eta A-2620 errepide gaineko biaduktua, 1.400 metrokoa eta 90 metroko altuera arteko zutabeekin.
Ingurumena
ADIFen kezka nagusietako bat ingurumena zaintzea da. Horregatik, abiadura handiko lineak eraikitzeko aurrekontuaren % 6,7 bideratzen du lineak ingurumenean integratuko direla bermatzera. Adifek hala nahita, ingurunean hobekuntzak egiten ditu eta, kasu honetan, ziurtatzen da beteko dela “Euskadiko Trenbide Sare Berriaren Proiektua” Ikerketa Informatiboan zehaztutako Ingurumen Inpaktuari buruzko Adierazpena.
Proiektuan ingurumen-tratamendu zehatz hauek diseinatu dira:
- Ibilbidearen zati handienean apirila eta ekaina artean sastraka mozteko lanak mugatzea.
- Etendako ibilgu bakoitzak bere zeharkako drainatzea izango du.
- Lanek iraun bitartean isuri-kutsatzaileen kontrako gailuak.
- Biaduktuen azpian okupatutako guneak berreskuratuko dira eta iragazkortasuna hobetuko da faunari pasatzen uzteko.
- Zeharkako drainatzeen obren ahoen morfologia egokitu eta berriro landareztatuko dira.
- Zarataren kontrako pantailak: Ingurumen Inpaktuaren Adierazpenak onartutako zarata-mailak gaindi daitezkeen puntuen azterketa eta zarataren kontrako pantailak instalatzea barne hartzen ditu proiektuak.
- Prospekzio-programa eta arkeologia jarraipena lanek iraun bitartean.
Informatzeko eta Herritarraren Arretarako Puntuak (IHAP)
Abiadura Handiko Linea berriaren eraikuntzari buruzko informazioa eskaintzen dute IHAPek. Hain justu ere, Sustapen Ministerioak, ADIFen bidez, eraikitzen ari diren Gasteiz - Bilbo zatiari eta lotuneari (Arrasate – Elorrio – Bergara) buruzko informazioa eskaintzen dute.
AHLren ezaugarri nagusiei, ingurumen-ekintzei, egitura nabarmenei eta onura nagusiei buruzko
ikus-entzunezko informazioa eta foiletoak ere eskaintzen dira IHAPetan. Gainera, Informazio Puntuan dauden laguntzaileak herritarrek IHAPetan aurkeztutako erreklamazio eta eskaera guztiak biltzeaz arduratzen dira.
GASTEIZKO IHAP
Ordutegia: IHAP astelehenetik ostiralera egoten da irekita, goizeko 09:00etatik 19:00etara
Helbidea: Gasteizko tren-geltokia
BILBOKO IHAP
Ordutegia: IHAP astelehenetik ostiralera egoten da irekita, goizeko 09:00etatik 19:00etara
Helbidea: Abandoko geltokia (Bilbo)
DONOSTIAKO IHAP
Ordutegia: IHAP astelehenetik ostiralera egoten da irekita, goizeko 09:00etatik 19:00etara
Helbidea: Norteko geltokia Donostia
Lotutako estekak
- Bideoa: Gasteiz – Bilbo – Donostia linea (San Andresko tunela) Ekoizpen-data: 2011ko martxoa
Durango – Amorebieta/Etxano zatian dago San Andres tunela, Iurreta udalerrian, eta 718 metroko luzera du. - Bideoa: Gasteiz – Bilbo – Donostia AHL. Induspe tunela. Ekoizpen-data: 2010eko abuztua
Gasteiz – Bilbo – Donostia abiadura handiko linea eraikitzeko egiten ari diren jarduera nagusiak deskribatzen dira bideoan. Besteak beste, Induspe tuneleko indusketa-lanak.
