Geltoki historikoak

Fernán Nuñez Jauregia

Martín López Aguado arkitektoak 1848an eraikia, eta
Fernán Núñez duketxeari lotutakoa, eraikin hau -Centro de Arte Reina Sofía Museo Nazionaletik-tik oso gertu dagoena- garai isabeldarrean Madrilgo aristokrazia bizi zen joritasunaren adibide garbia litzateke. Bere kanpoaldearen soiltasunak, hemezortzigarren mendeko jauregien orden klasikoarekiko gertuago dagoenak -hutsune, zutabe eta balkoietan simetria- kontrastea egiten du dantza-gela, areto, gelatxo, freskoetan aberatsak diren irakurgela eta bulego, eskultura, estuko, zeta, marketeria zein beiraterien barrokismo eta bikaintasunarekin. Izan ere, garai hartan, jauregian solasaldiak, literatur lehiaketak, luxuzko festak, kontzertuak eta dantzaldiak ospatu ohi ziren, eta bertara sarri joan ohi zen Isabel II erregina bera ere.

1970eko hamarkadan Fernando Ruiz Jaime, Federico Echevarría eta Horacio Domínguez arkitektoek eraberritu zuten, bere atal batzuren baitan Trenaren Museoa instalatzearren. 1983an museoa Las Delicias-eko Geltokira eraman zuten; 1941ean Renfe-ren administrazio erabileretarako bideratuta, gaur egun Ferrocarriles Españoles Fundazioaren egoitza da, nagusiki.

Urte guzti hauetan zehar, Ondare eta Hirigintza-k kontserbazio-egoera onean iraunarazi ditu jauregiko jatorrizko aretoak, euren antzinako bikaintasuna babestuz. Orain bi urte ezkeroztik zaharberritze lanak ari dira egiten jauregian, -bereziki kanpoko bi aurrealdeetan- barneko patio zein klaustroen zaharberritze eta egokitzapena ere gauzatzen ari da, horrek bisita-ordutegiaren ohiko funtzionamendua galerazi ez duelarik.

Fernán Núñez Jauregiaren Aurrealdea (Madril).