Adif - Bideak irekitzen ditugu

Geltokian dago gakoa

Geltoki Irekia Programaren helburua Geltokiak herritarrentzako topaleku gisa sustatzea da, eta horretarako, geltokietan jarduera kulturalak, artistikoak, baloreetan sentsibilizatzeko helburua daukatenak, etab. antolatu nahi dira, hau da, inguruko kultura eta gizartearen bizitzarekin harreman estua mantentzen duten espazioak antolatu nahi dira.

“Geltoki Irekia” programaren barruko jardueretan Adifek kudeatutako tren geltokietan kultura, gizartea eta ingurumenarekin lotutako ekimenak garatuko dira.

Jarduera horietariko bat eskola ikasleak geltokietara bisitan joatea izango da. Bisiten helburua balore bi zabaltzea izango da: bata, ingurumena errespetatzea eta bestea, burdinbidea garraiobiderik iraunkorrena dela, eta horrez gain, ADIF zer den azalduko zaie, baita bere baloreak argitu ere eta aldi berean, ikasleek tren geltokiak zer diren eta bertan moldatzen ikasten dute. Programa lehen hezkuntzako ikasleei zuzenduta dago, hau da, 6 urtetik 12 urtera arteko ikasleei, eta bertan, lehen hezkuntzako ikasleentzako bisita gidatuak antolatzen dira, bisitetan geltokietara joaten dira eta arrastoak jarraitzeko joko baten bitartez ikasleei geltokia erakusten zaie eta haren historia ezagutzeaz gain, bertan moldatzen ikasten dute.

Bisita gymkhana bat bezala gauzatzen da eta joko horretan umeek misterio bat argitu beharko dute arrastoak jarraituz. Bisitaren atal bat “Adif Adiskide Taldea” filma ikustean datza eta bideo horretan, arrastoetariko batzuk aurkitu ahalko dituzte.

Arrasto horiek jarraituz GAKO bat aurkituko dute eta gero, www.pandillaadif.es web orrialdeko jarduera batzuetarako erabiliko dute.

Adif Adiskide Taldea

Superheroi talde berri bat jaio da. Gazteak eta alaiak dira eta energia eta ideiez gainezka datoz. ADIF Adiskideak dira. Neska-mutil arruntak dira, baina bat-batean beren super-ahalmenei esker Errail, Katenaria, Tunel, Semaforo eta Trabes bilakatzen dira. Beren super-ahalmenekin eta Tik-Tak eta Txuku-Txukuren laguntzarekin Trenbidelandiako herritarrei laguntzen saiatuko dira eta Txatar-biltzaile Eroa eta Kutsadura gaizkileei aurre egingo diete.

Zatoz superheroirik ausartenak ezagutzera eta lagun iezaiezu beren abenturetan herritarrak inoiz baino batuago egotea lortzen eta Txatar-biltzaile Eroa eta Kutsadurak natura desagerraraztea galarazten.