Adif - Declaración da rede

Coñecer Adif

Declaración sobre a Rede

ACTUALIZACIÓN DECLARACIÓN SOBRE A REDE 2012

A Resolución do 9 de febreiro de 2012, da Secretaría Xeral de Infraestruturas, publicou o Acordo do Consello de Administración de Adif polo que se aprobou a actualización para o ano 2012 do documento Declaración sobre a Rede. (BOE. Núm. 40, do 16 de febreiro de 2012).

Resolución do 9 de febreiro de 2012, da Secretaría Xeral de Infraestruturas

INTRODUCIÓN

A “Declaración sobre a Rede” (en adiante DR) é o documento que expón as características da infraestrutura posta a disposición das Empresas Ferroviarias e contén información sobre as condicións de acceso a esta. Nel detállanse as normas xerais, prazos, procedementos e criterios relativos aos sistemas de canons e adxudicación de capacidade, así coma calquera outra información necesaria para cursar unha solicitude de capacidade de infraestrutura.

Interior túnel de Guadarrama, Lav Madrid - Valladolid

Actualizouse para o período 2012/2013, incluíndo o Horario de servizo, cumprindo co establecido na Orde FOM/897/2005, do 7 de abril, relativa á declaración sobre a rede e ao procedemento de adxudicación de capacidade de infraestrutura ferroviaria. Esta normativa traspón a Directiva 2001/14/CE, de conformidade coa cal cómpre fornecer toda a información necesaria para a utilización dos dereitos de acceso, co fin de garantir a transparencia e o acceso non discriminatorio á infraestrutura ferroviaria de todos os candidatos a solicitar capacidade para prestaren servizos de transporte ferroviario.

ACTUALIZACIÓN DA DECLARACIÓN SOBRE A REDE 2012

Ampliouse e púxose ao día a información dos seguintes temas:

PRINCIPAIS AXENTES DO SECTOR FERROVIARIO
Actualizouse a información do Sector Ferroviario español, coa estrutura orgánica básica do Ministerio de Fomento, os principais axentes, as súas funcións e competencias, e as relacións actualizadas de Empresas Ferroviarias (EEFF) e Candidatos Habilitados inscritos no Rexistro Especial Ferroviario.
GRANDES CIFRAS DE ADIF
Actualizáronse os datos de todos os apartados.
INCLUSIÓN DE NOVOS ACTIVOS NA REDE XESTIONADA POR ADIF
Incorpórase información detallada sobre a variación nos activos (altas, baixas e modificacións) da Rede xestionada por Adif, debido ás actuacións en Alta Velocidade, á modernización da Rede existente e á posta en servizo de novos tramos.
INSTALACIÓNS TÉCNICAS E LOXÍSTICAS DE MERCADORÍAS
Actualizouse a información das Instalacións Loxísticas Principais de Mercadorías, así como a de aquelas que se xestionan segundo o novo modelo para a asignación de espazos e o uso en réxime de autoprestación dos servizos complementarios e auxiliares, ás empresas ferroviarias e candidatos titulares de material rodante habilitado.
ACTUALIZACIÓN DO RÉXIME ECONÓMICO E TRIBUTARIO DO USO DA INFRAESTRUTURA
Taxas e Canons: Publicado no Real Decreto Lei 20/2011, do 30 de decembro, de medidas urxentes en materia orzamentaria, tributaria e financeira para a corrección do déficit público (BOE do 31 de decembro de 2011), polo que se produce a prórroga xeral da Lei 39/2010, do 22 de decembro, de Presupostos Xerais do Estado para o ano 2011, a partir do 1 de xaneiro de 2012, agás naqueles créditos correspondente a actuacións que rematen no ano 2011 ou para obrigas que se extingan no mesmo ano. En consecuencia, mantéñense as taxas e canons ferroviarios vixentes en 2011, agás que sexan modificados pola Lei de Presupostos Xerais do Estado de 2012.
Tarifas Provisionais Servizos adicionais e complementarios 2012: Actualizáronse, segundo a Resolución do 14 de decembro de 2011 da Secretaría de Estado de Planificación e Infraestruturas. (BOE núm. 313, do 29 de decembro de 2011).

HORARIO DE SERVIZO 2011/2012 e 2012/2013
Actualizouse o Calendario de Adxudicación de Capacidade do Horario de Servizo 2012/2013, segundo as directrices de Rail Net Europe (RNE), para a realización de solicitudes por parte dos Candidatos. Así mesmo, os capítulos 5 e 6 recollen de xeito individualizado os Servizos Auxiliares, que foron desagregados dos Adicionais e Complementarios
O Horario de Servizo 2012 permanecerá vixente ata o 8 de decembro de 2012 e o Horario de Servizo 2013 terá vixencia ata o 14 de decembro de 2013 (segundo sábado de decembro, conforme se determina no Art. 7.2 da Orde FOM/897/2005). Ambos os dous inclúen as datas determinadas para a realización dos correspondentes axustes concertados e os axustes mensuais. Así mesmo, inclúese o Catálogo actualizado de Surcos Internacionales.
NORMATIVA FERROVIARIA ACTUALIZADA
Actualizouse o Anexo F, “Documentación de referencia”, coa información xurídica en vigor máis relevante sobre o sector ferroviario na data do 31 de decembro de 2011, tanto no ámbito nacional coma europeo, contendo adicionalmente as referencias sobre a principal normativa técnica vixente.
MAPAS.
Renovouse e ampliouse a información dos mapas da Rede xestionada por Adif, incluíndose o tramo de Alta Velocidade posto en servizo comercial en decembro de 2011, Ourense-Santiago de Compostela, da liña de Alta Velocidade Madrid-Galicia.
Incorpórase un novo mapa cos Portos de Interese Xeral, cos que se asinaron convenios para regular a súa conexión ferroviaria coa rede administrada por Adif, como consecuencia da sinatura, en outubro de 2011, dos convenios que regulan a conexión ferroviaria de 11 portos coa rede administrada por Adif, co obxectivo de mellorar a integración e coordinación da rede ferroviaria cos Portos do Estado e darlle pulo ao transporte ferroviario de mercadorías e, deste xeito, á competitividade dos portos españois.
OUTROS DATOS DE INTERESE
A Liña Ourense - Santiago de Compostela - A Coruña, entrou en servizo o 10 de decembro, coa posta en servizo comercial dos 84 Km. do tramo de Alta Velocidade Ourense - Santiago de Compostela, do novo trazado construído por Adif, xunto cos 62 Km. do Eixe Atlántico entre Santiago de Compostela e A Coruña que executaron conxuntamente o Ministerio de Fomento e Adif (mellora integral).
Os Servizos Auxiliares recóllense no Anexo D.

1ª Modificación Actualización Declaración sobre a Rede 2012

O 6 de marzo de 2012 publicouse no Boletín Oficial do Estado o Real Decreto 452/2012 , do 5 de marzo, polo que se desenvolve a estrutura orgánica básica do Ministerio de Fomento, que modifica o Real Decreto 1887/2011, do 30 de decembro, polo que se establece a estrutura orgánica básica dos departamentos ministeriais, afectando ao contido da Actualización Declaración sobre a Rede 2012, no seguinte:

Capítulo 1 INFORMACIÓN XERAL, apartado:
1.1.1.2. Principais Axentes do Sector Ferroviario en España, "A. Ministerio de Fomento: Organización e funcións. Modifícase a estrutura orgánica básica do Ministerio de Fomento.
Anexo E: Organigrama do Ministerio de Fomento
Anexo F Documentación de Referencia, apartado:
Normas con Rango de Real Decreto, inclúese o Real Decreto 452/2012, do 5 de marzo, polo que se desenvolve a estrutura orgánica básica do Ministerio de Fomento.

Estas modificacións atópanse recollidas na correspondente versión (V.1.1) do documento, conforme se especifica a continuación