Zabalera dualerako aldagailua
Plataforma bakarrean zabalera duala aldatzeko gailua
Trenbide-sare nazionalean zabalera aldatzeko dauden sistema automatikoek aukera ematen diete trenei iberiar zabalera duen linea batetik (1.668mm) UIC zabalera estandarra duen beste batera (1.435mm) igarotzeko, edo alderantziz, bogiak edo ardatzak aldatu beharrik gabe, eta gurpilen arteko distantzia aldatu egiten da horretarako jarritako instalaziotik igarotzean.
Instalazio horiek lotzen dituzten lineen komunikazio-, kudeaketa- eta teleaginte-sistemekin integratzen dira, eta horietan elektrifikazio-tentsioaren eta seinaleztapen-sistemen trantsizioa egiten da.
Funtzionalki, aldagailuan sartu baino pixka bat lehenagotik ibilgailuaren kaxatik datorren pisua, gurpilek jasaten dutena, errodadurakoez gain beste errail batzuetan mugitzen diren patin edo laguntza-arrabol batzuek hartzen dute beren gain. Gurpilak askatu egiten dira eta errail konbergente pare batek alde batera eta beste mugitzen ditu. Jarraian, posizio berrian finkatzen dira eta aldagailutik ateratzen dira, berriro ibilgailuaren pisua hartzeko.
Aldagailutik pasatzean, 30 km/h-ko abiadura edo txikiagoa izan behar du trenak.
Espainian zirkulatzen duten trenen errodadura desplazagarriko teknologietarako (TALGO eta CAF), kontzeptualki antzekoak izanik, baina trenaren sostenguari eta mekanismoak askatzeko eta ziurtatzeko moduari dagokienez ezberdinak izanik, hasieran instalazio eta plataforma desberdinak erabili ziren zabalera aldatzeko.
Teknologien integraziorako lehen aurrerapenei esker, zabalera aldatzeko instalazio bakarra erabili ahal izan zen, nahiz eta plano horizontalean altxatu eta eraitsi edo trukatzen ziren bi plataforma zituzten. Geroago, 2006tik 2007ra bitartean, Adif-ek aldagailu dual mota berri bat garatu zuen, plataforma bakarrekoa, eta, horrela, pieza batzuen mugimenduarekin soilik posiblea zen Talgo eta Caf trenak igarotzea, beharrezko azpiegitura nabarmen murriztuta. Abantaila asko zituen:
- Gida berriei eta ikusmen artifizialari esker, operazioa hobetzea.
- Instalaziorako beharrezko eremuaren zabalera murriztea.
- Eraikuntza-, operazio- eta mantzentze-gastuak murriztea.
- Beste trenbide zabalerako paretara egoitu daiteke (1000/1435), (1435/1668), (1435/1520)
Bi irizpide hauek kontuan hartuta diseinatu eta eraiki dira: modularitatea, beharrak aldatuz gero konfigurazioa moldatzeko aukera egon dadin, eta garraiagarritasuna, ekipoak errazago garraiatzeko (hobi batean errailera egon ordez plataforma desmuntagarri batera finkatuta daude).
Aldagailuen balio-aniztasunean aurrera egin behar denez, eta nazioarteko trenek hainbat teknologiako bagoiak edo autoak integratu ahal izango dituztenez, plataforma bakarreko aldagailu dualak aukera emango die igarotzeko Europako beste errodadura desplazagarria,"Rafia"alemaniarra eta"SUW2000"poloniarra kasu, duten ibilgailuei.
