Datu pertsonalen babesa

Datu pertsonalen babesari buruzko informazioa

Datu pertsonalak babesteko eskubidea herritarren oinarrizko eskubidea da, eta Espainiako Konstituzioaren 18.4 artikuluak babesten du.

Adifek Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduaren arabera tratatuko ditu zure datu pertsonalak, datu pertsonalen tratamenduari eta datu horien zirkulazio askeari dagokienez pertsona fisikoak babesteari buruzkoa (DBEO) eta 3/2018 Lege Organikoaren arabera, abenduaren 5ekoa, Datu Pertsonalak Babesteko eta Eskubide Digitalak Bermatzekoa (DPBEDBLO).

Adif zure datu pertsonalen tratamenduaren arduraduna izango da. Zure identifikazio-datu osoak eta harremanetarako datuak webgune korporatiboko Lege Oharrean daude.

Aplikatzen ditugun printzipioak

Adifek printzipio hauek aplikatzen ditu zure datu pertsonalen tratamenduan:
Legezkotasuna, ekitatea eta gardentasuna
  • Legezko justifikazioa izatea eta tratamendurako legezko oinarri egokiak identifikatzea.
  • Tratamendu-jarduerei eta haien justifikazioari buruzko informazio argia ematea.
Helburua mugatzea
  • Datuak helburu espezifiko, esplizitu eta legitimoetarako biltzea, eta, ondoren, helburu horiekin bateraezinak diren datuak ez tratatzea.
Datuak minimizatzea
  • Tratatutako datuak lortu nahi den helbururako egokiak, zehatzak eta beharrezkoak direla ziurtatzea.
Kontserbazioaren zehaztasuna eta mugaketa
  • Datuen zehaztasuna bermatzea eta, beharrezkoa bada, eguneratuta mantentzea.
  • Datuak bildu ziren helburuetarako behar den denboran bakarrik edukitzea.
Segurtasuna
  • Neurri tekniko eta antolaketa-neurri egokiak ezartzea, datu pertsonalak babestu ahal izateko datuak suntsitzetik, galtzetik, aldatzetik, baimenik gabe zabaltzetik edo ustekabean edo legez kontra eskuratzetik.
Erantzukizun aktiboa
  • Arduraz jardutea, eta behar diren neurri teknikoak eta antolakuntzakoak ezartzea tratatzen ditugun datuen jabeen eskubideak eta askatasunak babesteko eta bermatzeko.

Mugak

Adifek ez die uzten 14 urtetik beherakoei beren datu pertsonalak zerbitzuak emateko webgunea osatzen duten edozein formulario edo espaziotan sartzen. Beraz, Adifek ez du inolako erantzukizunik izango debeku hori ez betetzeagatik.

Zerbitzuren bat 14 urtetik beherako erabiltzaileentzat izan badaiteke, gurasoen edo legezko tutoreen baimenak lortzeko behar diren legezko bitartekoak jarriko dira.

Datu pertsonalak tratatzeko jardueren erregistroa

DBEOren 30. artikuluarekin eta DPBEDBLOren 31.2 artikuluarekin bat etorriz, Adifek, tratamenduaren arduradun gisa, egiten dituen datu pertsonalen tratamendu-jardueren erregistro bat du, eta, besteak beste, datuak nork tratatzen dituen, zertarako erabiltzen dituen eta zer oinarri juridikok legitimatzen duen identifikatzen du.

Hemen kontsulta daitezke:

Informazio-klausulak

Adifek, gardentasunaren, komunikazioaren eta interesdunei informazioa ematearen printzipioaren esparruan, haien esku jartzen ditu egiten duen datu pertsonalen tratamendu bakoitzari dagozkion informazio-klausulak.

Hemen kontsulta daitezke:

 

Interesdunen eskubideak

Interesdunak eskubide hauek erabili ahal izango ditu:

  • Atzitzeko eskubidea: Interesdunak eskubidea du Adifek bere datu pertsonalak tratatzen ari diren ala ez egiazta dezan, eta, hala bada, datu horiek atzitzeko eskubidea du.
  • Zuzentzeko eskubidea: Interesdunak eskubidea du oker dauden datu pertsonalak zuzentzeko eskatzeko. Interesdunak, halaber, tratamenduaren helburuak kontuan hartuta, eskubidea izango du osatu gabe dauden datu pertsonalak osatzeko.
  • Ezerezteko eskubidea: Interesdunak bere datu pertsonalak ezerezteko eskubidea du, baldin eta DBEOren 17. artikuluan aurreikusitako egoeraren bat gertatzen bada.
  • Tratamendua mugatzeko eskubidea: Interesdunak bere datu pertsonalen tratamendua mugatzeko eskubidea du, baldin eta DBEOren 18. artikuluan ezarritako baldintzaren bat betetzen bada. Kasu horretan, datuak soilik tratatu ahal izango dira (datuak gordetzea izan ezik) interesdunaren baimenarekin edo erreklamazioak formulatzeko, egikaritzeko edo defendatzeko.
  • Aurka egiteko eskubidea: Interesdunak, egoera jakin batzuetan eta bere egoera partikularrarekin lotutako arrazoiengatik, bere datu pertsonalen tratamenduari aurka egiteko eskubidea du, DBEOren 21. artikuluan ezarritakoaren arabera.
  • Datuak eramateko eskubidea: Interesdunak eskubidea du Adifi eman dizkion datu pertsonalak formatu egituratu batean, erabilera komunekoa eta irakurketa mekanikokoa, jasotzeko, eta tratamenduaren beste arduradun bati emateko, Adifek hori eragotzi gabe, baldin eta DBEOren 20. artikuluan ezarritako baldintzak betetzen badira.
  • Banakako erabaki automatizatuen xede ez izateko eskubidea: Eskubide horren bidez bermatu nahi da pertsona ez dela bere datuen tratamenduan soilik oinarritutako erabaki baten xede izango, profilak egitea barne, baldin eta erabaki horrek ondorio juridikoak eragiten badizkio pertsona horri edo modu esanguratsuan antzera eragiten badio.
Datuak babesteko eskubideak egikaritu ditzakezu eskaera bat aurkeztuz honako bide hauen bitartez:
  • Pertsonalki edo posta arruntez Adifen Erregistro Orokorrera (Sor Ángela de la Cruz kalea, 3, 7. solairua, 28020 Madrid).
  • Egoitza Elektronikoan: https://sede.adif.gob.es
  • Helbide elektroniko honetara idatzita: dpd.adif@adif.es
Hala eskatuz gero, zure NANaren kopia edo zure nortasuna egiaztatzen duen identifikazio-agiri ofiziala aurkeztu behar duzu.

Zure eskubideak erabiltzean Adifek emandako erantzunarekin ados ez bazaude, erreklamazioa aurkez dezakezu Datuak Babesteko Espainiako Agentzian (www.agpd.es) edo Europar Batasunean datuak babesteko eskumena duen beste edozein Kontrol-agintaritzatan.

Datuak babesteko gure ordezkariarekin harremanetan jar zaitezke, zure datuen tratamenduarekin zerikusia duen zerbait argitu nahi baduzu, posta elektronikoko kontu honen bidez: dpd.adif@adif.es .

Informazio-eskubidea

Datuen babesari buruzko oinarrizko informazioa

Webgune honetan eskainitako zerbitzu batzuetan sartzeko, erabiltzaileek datu pertsonal batzuk eman beharko dituzte lehenik. 2016ko apirilak 27ko Europar Parlamentuko eta Kontseiluko (UE) 2016/679 Araudian ezarritakoari jarraiki (RGPD) jakinarazten dugu emandako datu pertsonalak Adifek tratatuko dituela web-orri honen bitartez eskaintzen diren zerbizteutarako sarbidea ahalbidetzeko helburuarekin. Datu pertsonalen tratamendua zilegi egiten duen oinarria interes publikoa edo ahalmen publikoak burutzea da. Ez zaizkie datuak hirugarrenei lagako, legezko betebeharra ez bada.

Adifek emandako datu pertsonalen segurtasuna bermatzeko behar diren neurriak, izaera teknikokoak eta antolamenduzkoak, hartuko ditu eta eurak ez aldatzen, galtzen eta baimendu gabeko tratamenduak edo sarrerak saihesten saiatuko da. Adifek atal honetan zehaztutako baldintzen arabera erabiliko ditu datuak, baita zerbitzuari berari dagozkion baldintzetan oinarritutakoen arabera ere.