Jasangarritasuna eta Ingurumena
Ekonomia zirkularra
Adif-ek Trantsizio Ekologikorako eta Erronka Demografikorako Ministerioak egindako Ekonomia Zirkularraren Espainiako Estrategia (Espainia Zirkularra 2030) prestatzen lagundu du, eta 6 ekimen egin ditu honako ardatz hauetan: Kontsumoa, Hondakinen Kudeaketa, Bigarren mailako Lehengaien Merkatua eta Enplegua eta Prestakuntza.
Adif-ek ekimen hauek aurkeztu ditu 2021-2023 Ekonomia Zirkularraren I. Ekintza Planerako:
-
Trenbide-azpiegituren arloko kontrataziorako ingurumen- eta gizarte-irizpideen katalogoa egitea, kontratazio-prozesuetan irizpide horiek errazago sar daitezen, Adif-ek Ekonomia Zirkularraren eta Kontratazio Publiko Ekologikoaren printzipioak zeharka sustatzeko.
-
"Ecomilla" proiektua, hiri-inguruneetako mugikortasun iraunkorraren aldeko apustua, bidaiariaren atez ateko ibilbidea erraztea helburu duena (jatorritik trenbide-geltokiraino eta geltokitik helmugaraino), garraiobide eraginkorra, emisiorik gabea edo oso txikia erabiliz.
-
Trenbide-azpiegiturako obretako lur-soberakinak eraginkortasunez kudeatzea, ingurune degradatuen ingurumen-leheneratzea edo beste obra batzuetan berrerabiltzea bultzatzeko.
-
Obretan landare-lurra gehiago berrerabiltzeko neurriak, trenbideko obren ondorioz paisaia lehengoratu eta integratzeko lanak egiteko.
-
Kudeaketa iraunkorreko material eta tekniken erabilera sustatzea tren geltokietan.
-
Erabiltzen ez diren trenbide-aktiboak gizartean berreskuratzeko programa integrala, balioa ekintzailetza-proiektuen edo zerbitzu publikoaren bidez sortuz.