Genero berdintasuna eta aniztasuna

Gizarte-jasangarritasuna

Adifek konpromisoa hartzen du emakumeen eta gizonen arteko benetako aukera-berdintasuna lortzeko beharrezko baldintzak sustatzeko, bai eta edozein diskriminazio mota baztertzeko ere, dela sexua, sexu-orientazioa edo -identitatea, desgaitasuna, adina, jatorri etnikoa edo beste edozein zirkunstantzia pertsonal edo sozial dela-eta. 
 

Erronka horrek lehentasuna du pertsonen kudeaketan, kultura korporatiboan eta erakundearen konpromiso sozialean.

Adif enpresaren motorra pertsonak dira, 2030eko Plan Estrategikoan islatzen den bezala, eta erabateko berdintasuna eta aniztasuna lortzea da enpresak ezarri duen erronketako bat. Parte den sektorea dela-eta eta arrazoi historikoengatik, Adif enpresaren langile gehienak gizonak dira. Emakumeen kopurua handitzen badoa ere, entitateak nahiko lukeena baino motelago ari da igotzen.

Helburua erritmoa bizkortzea da, genero-aldea gero eta txikiagoa izan dadin, bereziki zenbait lanbidetan, eta emakumeen lidergoa areagotzeko hasitako joerarekin jarraitzea.