Lege-abisua

TRENBIDE AZPIEGITUREN ADMINISTRATZAILEAREN (ADIF) WEBGUNEA ERABILTZEKO BALDINTZA OROKORRAK.

1. Helburua

Administración de Infraestructuras Ferroviarias (ADIF) Erakunde publikoak www.adif.es izenez edo domeinuaz izendatutako webgunea sortu eta eguneratzen du, bertako informazioa erabilera publikokoa izan dadin. Web-orri honetan sartzeak eta bertan nabigatzeak orriaren lege-informazioa eta erabilera-baldintzak, argi eta garbi, ezagutzen eta onartzen direla esan nahi du. Baldintza orokor hauen helburua web-orri honetan sartzea, nabigatzea eta orria bera erabiltzea arautzea da. Alabaina, baldintza orokor horietaz gain, ADIF erakundeak erabilera arautzen duten beste baldintza jakin batzuk ere jar ditzake. Baldintza orokorretan esandakoaren eta baldintza berezietan esandakoaren artean alderen bat sortuz gero, azkenekoetan esandakoa gailenduko da.

2. Aplikazio eremua

Lege-ohar honek www.adif.es atariko zerbitzuaren erabilera arautzen du. Administrador de Infraestructuras Ferroviarias (ADIF) enpresa-entitate publikoak jartzen du ataria Interneteko erabiltzaileen eskura. ADIF erakunde publikoa da, Sektore Publikoaren Erregimen Juridikoari buruzko urriak 1eko 40/2015 Legeko 103.1 artikuluan jasotzen direnetakoa, Sustapen Ministerioaren mendekoa. Nortasun juridiko propioa du, bere helburuak betetzeko jarduteko ahalmen osoa du, baita ondare propioa ere. Burdinbideen Sektoreari buruzko irailak 29ko 38/2015 Legean ezarritakoak zuzentzen du, baita Sektore Publikoaren Erregimen Juridikoari buruzko urriak 1eko 40/2015 Legean, horiek biak garatzen dituzten arauetan, abenduak 30eko 395/2004 Errege Dekretuak onetstitako Estatutuan eta aurrekontu-legerian eta aplikagarri zaion gainerako arauetan ere. Araurik egon ezean, lege-ordenamendu pribatua aplikatuko da. Halaber, ADIF-i aplikagarri izango zaio Administrazio Publikoen Administrazio Prozedura Komunari buruzko urriak 1eko 39/2015 Legean ezarritakoa ere, ahalmen administratiboak gauzatzen dituenean eta bere organoen borondatea emateari dagokionez. ADIF-en harremanerako datuak: Helbidea: Sor Ángela de la Cruz kalea, 3 – 3º 28020-Madrid IFK: Q-2801660-E Helbide elektronikoa: comunicacionweb@adif.es Administrazio Publikoen Administrazio Prozedura Komunari buruzko urriak 1eko 39/2015 Legeko interesdunak prozedura administratiboan dituen eskubideei buruzko 53. artikuluari jarraiki, izaera administratiboa duten ekintzekin zerikusia duten jakinarazpen, erreklamazio edo eskaera guztiak, edo ADIF Enpresa-erakunde publikoaren administrazio-ahalmenetatik datozenak zuzendu behar dira: a) Eskura, edo posta arrunt/ziurtatu bidez, zuzenean ADIF-ek bere bulegoan herritarren eskura duen Erregistro Nagusian, c/ Sor Ángela de la Cruz, 3-7ª Planta, 28020 - Madril, jarraian zehaztuko den ordutegian: Erregistro Nagusiko Ordutegia:

b) Edo ADIFen Egoitza Elektronikoan: https://sede.adif.gob.eswww.adif.es Interneteko atarian agertzen diren helbide elektronikoak ez dira aurrez adierazitako komunikazioak, erreklamazioak edo eskaerak igortzeko kanalak. Beraz, aipatu helbide elektronikoen bidez bidalitako eta administrazio izaerako edo ADIF erakundeari zuzendutako administrazio-ahalmenen jardueretatik eratorritako edozein komunikazio, erreklamazio edo eskaerak Erregistro Nagusian edo Egoitza Elektronikoan aurkeztu beharko dira jaso dela ziurtatzeko eta zuzen bidera dadin. c) Sarbide Nagusiaren bitartez. administración.gob.es DIR EA0003338 kodeaz

3. Eranntzukizunaren muga eta salbuespenak

ADIFek webgune honetan ager daitezkeen edukietako akatsak saihesteko ahalik eta ahalegin handiena egiten du. ADIFek ez du ziurtatzen orrialde honetatik lor daitekeen informazioa zehatza eta eguneratua denik. Gainera, aldez aurretik ohartarazi gabe alda daiteke. ADIFek ez du hirugarrenek gune honetako edukiei emandako erabileragatik sortutako inongo arazoren erantzukizunik. www.adif.es orrialdeko eduki guztiek informatzea dute xede. Eskaintzen den informazioak ez du zertan sakona, osoa, zehatza edo eguneratua izan beharrik. Lizitazio eta lege-testuen kasuan, ez da ofizialki erabakitako testuaren kopia zehatza bermatzen. Dagokien aldizkari ofizialetan inprimatutako edizioetan argitaratutako testuak, soil-soilik, hartuko dira kontuan. ADIFek emandako informazioak izaera orokorra du eta ez dira inolako aholku profesional edo juridikoak. ADIF erakundeak ahalegin handiak egingo ditu Atariak etenaldiak ez izateko, baina ezin du bermatu akats teknologikorik ez egotea, ezta Ataria eta bertako edukiak etengabe eskuragarri egotea eta, ondorioz, ez du inolako erantzukizunik bere gain hartzen eskuragarritasun faltagatik eta Adif - Alta Velocidad erakundeari egotzi ezin zaizkion sare deskonexioak, matxurak, gainkargak edo erorketak berekin ekarritako sarbide akatsengatik sor litezkeen kalte eta gaitzei dagokienez. ADIFek ez du bermatzen zure informatika-sistema hondatu dezakeen birusik edo bestelako elementurik egongo ez denik. ADIF-ek ez du erantzukizunik aipatu birus edo elementu kaltegarriek eragin ditzaketen kalte-galeretan.

4. Zerbitzuetan harpidetzea.

Orokorrean, webgunera sartzeko ez da aldez aurretik harpidetzea edo erabiltzaile gisa izen ematea eskatzen. Hala ere, webgunean eskaintzen diren zenbait zerbitzuetarako baliteke aldez aurretik harpidetza egiteko inprimaki bat bete behar izatea. Horrela, erabiltzaileak harpidetza-inprimakietan emandako datu guztiak benetakoak direla ziurtatzen du. Erabiltzaileak konpromisoa hartzen du eta arduradun egiten da emandako informazioa mantentzeko eta, uneoro, haren benetako egoerari dagokiola ziurtatzen du. Izena ematerakoan, erabiltzaileari pasahitza ematen bazaio, konpromisoa hartzen du hura arduratsu erabiltzeko eta zerbitzu horietan sartzeko pasahitza isilpean mantentzeko. Ondorioz, erabiltzaileak dira ADIF erakundeak emandako edozein identifikatzaile eta/edo pasahitzak egoki zaintzeko eta konfidentzialtasunez erabiltzeko erantzule, eta identifikatzaile eta/edo pasahitzok hirugarren bati, behin behinean edo behin betiko, ez emateko konpromisoa hartzen dute. Pasahitza pertsona ezezagunei ez emateko konpromisoa ere hartzen dute. Erabiltzailearen erantzukizuna izango da legez kontrako hirugarren batek zerbitzuen legez kontrako erabilera egiteko erabiltzailearen pasahitza erabiltzen badu edota, hura galtzen bada.

5. Izaera pertsonaleko datuen babesa

Datuen babesari buruzko oinarrizko informazioa. www.adif.es orrialdean eskainitako zerbitzu batzuetan sartzeko, erabiltzaileek datu pertsonal batzuk eman beharko dituzte lehenik. 2016ko apirilak 27ko Europar Parlamentuko eta Kontseiluko (UE) 2016/679 Araudian ezarritakoari jarraiki (RGPD) jakinarazten dugu emandako datu pertsonalak ADIFek tratatuko dituela web-orriaren bitartez eskaintzen diren zerbizteutarako sarbidea ahalbidetzeko helburuarekin.www.adif.es Datu pertsonalen tratamendua zilegi egiten duen oinarria interes publikoa edo ahalme publikoak burutzea da. Ez zaizkie datuak hirugarrenei lagako, legezko betebeharra ez bada. ADIFek, tratamenduaren erantzule den aldetik, emandako datu pertsonalen segurtasuna bermatzeko behar diren neurriak, izaera teknikokoak eta antolamenduzkoak, hartuko ditu eta eurak ez aldatzen, galtzen eta baimendu gabeko tratamenduak edo sarrerak saihesten saiatuko da. ADIF erakundeak atal honetan zehaztutako baldintzen arabera erabiliko ditu datuak, baita zerbitzuari berari dagozkion baldintzetan oinarritutakoen arabera ere. Halaber, erabiltzaileek datuetara sartzeko, zuzentzeko, ezabatzeko, aurka egiteko eta mugatzeko eskubideak gauzatu ahal izango dituzte, legez aurreikusitako moduan, eskaera helbide honetara zuzenduz: dpd.adif@adif.es edo posta bidez, Sor Ángela dela Cruz, 3-7. solairua, 28020 - Madril, NAN edo pasaportearen kopia erantsiz.

6. Jabetza intelektual eta industrialaren eskubideak

www.adif.es guneko eduki guztiak, hau da, datu-baseak, irudiak eta argazkiak, patenteak, marrazkiak grafikoak, testu-fitxategiak, audioa, bideoa eta softwarea, izaera murriztailerik gabe, Adif - Alta Velocidad erakundearen edo eduki-hornitzaileen jabetza dira. Azkeneko kasu horretan, hornitzaileek lizentziak utzi dizkiote ADIF erakundeari. Edukiok estatuko eta nazioarteko jabetza intelektual eta industrialaren eskubideek babesten dituzte. Edukien konpilazioa Adif - Alta Velocidad erakundearen jabetza da soil-soilik. Konpilazioa honela ulertu behar da: www.adif.es orrialdeko eduki guztiaren bilduma, diseinua, antolaketa eta muntaia. Gainera, edukia estatuko eta nazioarteko jabetza intelektual eta industrialaren eskubideek babesten du. www.adif.es orrialdeko pantailetan, nabigazioan, erabileran eta garapenean erabilitako software guztia ADIF erakundearen edo software-hornitzaileen jabetzakoa da eta estatuko eta nazioarteko jabetza intelektual eta industrialaren eskubideek babesten dute. www.adif.es webgunean agertzen diren marka, errotulu, zeinu bereizgarri edo logotipo guztiak ADIFen jabetzakoak dira eta behar bezala erregistratuta daude. www.adif.es web-orrian agertzen diren testu, datu, marrazki, grafiko eta bideo edo audio-euskarri guztiak ADIF erakundearen edo bera informazioz hornitzen duten entitateen jabetzakoak dira. Eduki horien jabeek hala egiteko baimen argia eman ezean, erabiltzaileek eta hirugarrenek ezingo dute eduki hori aldatu, kopiatu, eraldatu, erreproduzitu, egokitu edo itzuli. www.adif.es web-orrian ageri diren eta ADIF erakundearen edo beste hornitzaileen jabetzakoak diren datu-baseak, marrazkiak, grafikoak, irudiak, argazkiak, testu-fitxategiak, audioak, bideoak eta softwarea erabiltzaileen eskura jartzeak ez du, inolaz ere, esan nahi eduki horien jabetza edo ustiatzeko eskubidea erabiltzaileari ematen zaionik. Jabetza edo ustiatzeko eskubidea ez da lege-erabilerak zehazten duen eta orrialdearen izaeraren araberakoa den erabilera-eskubidearen bera. Guztiz debekatuta dago ADIF erakundeak baimenik eman gabe egiten diren www.adif.es web-orriko edukien, zerbitzuen eta, orokorrean, aurreko paragrafoetan aipatzen diren eskubide guztien erabilera. Baita euren ustiakuntza, erreprodukzioa, hedatzea, eraldaketa, beste edozein bitartekorekin egindako transmisioa, ondorengo argitalpena, erakusketa, komunikazio publikoa edo euren adierazpide guztizkoa edo partziala ere. Horietako egoeraren bat gertatuz gero, Adif - Alta Velocidad erakundearen jabetza intelektualaren eskubideen kontrako arau-hauste gisa hartuko da eta indarrean dagoen legeriaren arabera zigortuko da.

7. www.adif.es webguneko hipertestuzko loturak edo estekak

www.adif.es web-orrira hipertestuzko esteka bat (esteka, hemendik aurrera) sortu nahi duten erabiltzaileek edo beste web-orrietako jabeek ADIF erakundeak zehaztutako Sareko estekei buruzko baldintzak errespetatzeko konpromisoa hartu beharko dute. Baldintza horiek jarraian aipatuko ditugu:

Edonola ere, www.adif.es web-orriaren estekak sortzeak ez du esan nahi ADIF erakundeak esteka agertzen den guneko jabearekin inolako loturarik edo elkarketarik duenik. Ezta ADIF erakundeak aipatu Interneteko atari edo webguneak sustatzen, bermatzen edo gomendatzen dituenik ere. Bestalde, www.adif.es orrialdeak ADIF erakundeak kudeatzen ez dituen beste atari edo webguneetarako estekak izan ditzake. Adif - Alta Velocidad ez da bere webguneko esteketatik edo bilatzailetatik sar daitezkeen aipatu Interneteko atari edo web-orri horietako informazioen erantzule egiten. www.adif.es orrialdean agertzen diren estekek informatzeko helburua besterik ez dute. Beraz, ADIF ez da jarraian aipatuko dugunaz erantzule egiten, ez espreski ezta inplizituki ere. Ez du bere izaera ere bermatzen:

8. Sarrera murrizketak.

ADIF erakundeak edozein erabiltzaile www.adif.es web-orrira edo horren atal batera sartzeko eskubidea, diskrezioz, ukatu dezake, edonoiz eta aldez aurretik ohartarazi beharrik gabe.

9. Zuzenbide aplikagarria eta eskumena.

www.adif.es web-orriko elementuak erabiltzeak hemen adierazten diren lege-abisuak onartzea dakar eta, bereziki, gune honi dagozkion gatazkak Espainiako zuzenbidearen arabera gobernatuko direla onartzea. Ondorioz, Espainiako auzitegi eta tribunalak izango dira eskumenak dituzten bakarrak.

10. Baldintzen eta abisuen aldaketak.

ADIFekwww.adif.es webgunean aplikatu daitezkeen baldintzak eta abisuak aldatzeko eskubidea du.

11. Webgunerako eta bertan dauden zerbitzuetarako sarbidea galaraztea.

ADIF bere web-orria beti eskuragarri egon dadin saiatuko da. Halere, edozein froga-, kontrol- eta mantentze-eragiketa askatasun osoz hautatuko da eta edozein momentutan egin dezake ADIF erakundeak, hori egiteko prozedurak eta erabilitako bitartekoak edozein izanda ere. ADIF erakundeak eskubidea du www.adif.es web-orriko sarrera edo erabileraren transmisio-gaitasunak, jarraipena edo bestelako bitarteko edo zerbitzu teknikoak aldatzeko. ADIF erakundeak, behin-behinean edo behin betiko, eten ditzake zerbitzuak; horrek erabiltzailearentzako inolako kalte-ordainik sortu gabe, betiere, honelako egoeraren batean gertatuz gero:

12. Amaiera.

ADIF erakundeak web-orriaren erabilera amaitutzat jo dezake, erabiltzaileari aurrez abisatu beharrik gabe, egoera hauetan:

13. Cookien erabilera

• Cookie-politika

14. Datu pertsonalen babesa