Plan de autoconsumo enerxético de Adif e Adif Alta Velocidad

O Plan de autoconsumo enerxético contempla a instalación de plantas fotovoltaicas en terreos de Adif e Adif AV e a utilización de cubertas e marquesiñas das estacións para o despregamento de instalacións fotovoltaicas.

Actualmente, está en trámite a construción dunha planta fotovoltaica de 4 MW en terreos de Adif AV. Ademais, están a instalarse 46 plantas fotovoltaicas nas cubertas de edificios e nas marquesiñas dalgunhas das nosas estacións que van recibir financiamento a través do “Plan de Recuperación, Transformación e Resiliencia. Financiado pola Unión Europea - NextGenerationEU” mediante os programas Autonómicos promovidos polo Real Decreto 477/2021, de 29 de xuño, polo que se aproba a concesión directa ás comunidades autónomas e ás cidades de Ceuta e Melilla de axudas para a execución de diversos programas de incentivos ligados ao autoconsumo e ao almacenamento, con fontes de enerxía renovable.

En cifras:

12 MW

En total, coas actuacións previstas, a potencia instalada ascenderá a 12 MW
17 GWh/ano

A enerxía xerada estímase en 17 GWh/ano
47 instalacións fotovoltaicas

O Plan contempla, actualmente, 46 instalacións, ademais da planta fotovoltaica de 4 MW en Alcázar de San Juan (Cidade Real)
Máis de 12 M €

Está previsto destinar máis de 12 millóns de euros

Planta fotovoltaica de 4 MW

Adif AV avanza nos trámites para a instalación dunha planta solar fotovoltaica xunto á Subestación Eléctrica próxima á estación de trens, no municipio de Alcázar de San Juan (Cidade Real).

Adif AV xa encargou os servizos de consultoría e asistencia técnica para a realización das tramitacións administrativas para a obtención da resolución ambiental e a autorización administrativa de construción da planta, así como a redacción do proxecto construtivo. Así mesmo, xa presentou o anteproxecto e estudo de impacto ambiental para a tramitación da solicitude da autorización administrativa previa.

Modalidade de autoconsumo con excedentes.
Un investimento estimado de 3 millóns de euros.
Cun total de 4 MW de potencia instalada.
Ocupará unha superficie de preto de 56.000 m2.
A enerxía anual neta xerada será superior aos 6 GWh.
Evitará a emisión anual de 625 tCO2, tendo en conta o mix eléctrico peninsular.
Os excedentes vertidos á rede de distribución serán repercutidos noutros puntos de consumo de Adif AV, previo acordo coa empresa comercializadora, "Autoconsumo virtual".

Modalidade de consumos sen excedentes

Adif AV adxudicou a redacción do proxecto construtivo, as tramitacións administrativas de permisos, a execución das obras e a operación e mantemento doutras 21 instalacións solares sobre cubertas, marquesiñas e terreos. Esta actuación conta con financiamento europeo a través do Plan de Recuperación, Transformación e Resiliencia. Financiado pola Unión Europea - Next Generation EU.

Un investimento de 1,8 millóns de euros.
Estarán operativas este ano.
Suman unha potencia total superior a 1,5 MW.
Obterase unha cobertura media do 13 % do total da enerxía consumida nas instalacións onde se van situar os paneis.
A enerxía anual neta xerada estará próxima aos 2,7 GWh.
O aproveitamento medio da enerxía fotovoltaica xerada en autoconsumo será superior ao 99 %.
Evitará a emisión anual de 265 tCO2, tendo en conta o mix eléctrico peninsular.

Modalidade de consumos con excedentes

Adif AV adxudicou a redacción do proxecto construtivo, as tramitacións administrativas de permisos, a execución das obras e a operación e mantemento doutras 25 instalacións solares sobre cubertas, marquesiñas e terreos. Esta actuación conta con financiamento europeo a través do Plan de Recuperación, Transformación e Resiliencia. Financiado pola Unión Europea - Next Generation EU.

Investimento duns 6,2 millóns de euros.
Estas instalacións sumarán unha potencia total instalada de 6,1 MW.
Obterase unha cobertura media do 27 % do total da enerxía consumida nas instalacións onde se van localizar os paneis.
A enerxía neta anual xerada estímase en 8,5 GWh.
O aproveitamento medio da enerxía fotovoltaica xerada en autoconsumo acadará o 86 %.
Evitará a emisión anual de 850 tCO2, atendendo ao mix eléctrico peninsular.

Estratexia contra o cambio climático

Este proxecto súmase aos que xa temos en marcha en materia de Eficiencia Enerxética, como os Puntos de Recarga Eléctricos (ferroliñeiras), a substitución de caldeiras de gasóleo por outras de tecnoloxías renovables (aerotermia/ xeotermia/ biomasa), ou a rede intelixente de xestión enerxética Railway Smart Grid.

Ferroliñeira. Produto de Innovación Tecnolóxica de Adif

Comercialización de Puntos de recarga eléctricos (Ferroliñeiras)

Este Plan e as súas actuacións inclúense na estratexia de Adif e Adif AV de descarbonización e promoción do uso de enerxías renovables, enmarcado no seu Plan de Loita contra o Cambio Climático 2018-2030 e no seu Plan Estratéxico a 2030.

Estas actuacións de autoconsumo fotovoltaico están aliñadas cos obxectivos do Plan de Recuperación, Transformación e Resiliencia de España e, en particular, dentro do eixo transversal de Transición ecolóxica, nos seus Compoñentes 1, 2 e 7. Así mesmo, contribúen ás medidas e obxectivos fixados no Plan Nacional Integrado de Enerxía e Clima e na nova Lei 7/2021 de Cambio Climático e Transición Enerxética.

Coa posta en marcha deste tipo de iniciativas, increméntase a contribución das entidades á consecución dos Obxectivos de Desenvolvemento Sostible, especialmente ao ODS nº 7 “Enerxía accesible e non contaminante” e ao ODS nº 13 “Acción polo Clima”.

Contribución á Axenda 2030 das Nacións Unidas