Sostibilidade Social

Promoción da igualdade de xénero e da diversidade

Adif asume un forte compromiso empresarial coa igualdade de xénero, situándoa dentro das súas prioridades no ámbito da xestión de persoas, a cultura corporativa e o compromiso social.

En Adif, estamos a traballar de xeito decidido para eliminar barreiras e conseguir a igualdade plenamente efectiva co horizonte 2030. As mulleres están insuficientemente representadas en todos os colectivos profesionais, especialmente nos postos relacionados con funcións operativas vencelladas a profesións historicamente masculinizadas; pero tamén están subrepresentadas, aínda que significativamente menos, en postos de estrutura de dirección, onde as mulleres apenas alcanzan o 21% do total de profesionais de Adif

A aposta por unha empresa diversa e inclusiva, na que a igualdade sexa unha realidade, materialízase nas seguintes iniciativas:

II Plan de Igualdade (Descargar documento)
Programa de Iniciativas para o Fomento da Igualdade.
Participación desde 2014 na Rede de Empresas por unha sociedade sen violencia de xénero
Colaboracións coa Real Academia de Enxeñaría: Programa Lidera de mentoring e Muller e Enxeñaría
Declaración de igualdade de oportunidades para homes e mulleres do sector do transporte. Women in transport.
Participación no Target Gender Equality de Pacto Mundial das Nacións Unidas
Adhesión aos Principios para o Empoderamento Económico das Mulleres (WEPs).
Socios da Rede Empresarial pola Diversidade e a Inclusión LGTBI REDI Asociación que pretende fomentar un ambiente inclusivo e respectuoso nas organizacións e empresas