Garapenerako aktiboak

Tokiko garapenaren zerbitzura dagoen programa

Garapenerako aktiboak programaren helburua erabiltzen ez diren aktibo higiezinak berreskura daitezen sustatzea da, gizarte- edo enpresa-proiektuetan berrerabiltzeko, erakundeekin, irabazi-asmorik gabeko erakundeekin edo enpresekin lankidetzan.

Enpresaren erantzukizunean eta jasangarritasunean oinarritzen den Adif- en enpresa-estrategiaren barruan (ikus Gizarte jasangarritasuna), proiektu honen definizioan kontuan hartu dira, alde batetik, beren tren-funtzioa betetzeari utzi dioten higiezinek (normalean geltoki zaharrak) duten potentziala, eta, bestetik, gizartearen beharrak eta erronkak, bereziki landako despopulazioaren arazoaren erronka, eskuarki "Espainia hutsa"

fenomenotzat ezagutzen dena. Adif-ek erabiltzen ez dituen aktiboak kokatzen diren lurraldeen garapen ekonomiko eta sozialaren zerbitzura jar daitezkeela eta jarri behar direla uste dugu. Hori da gure nahia eta programaren azken helburua.

Nori dago zuzendua?

Higiezinen bilatzailea

Proposamenik duzu?

Nori dago zuzendua?

Programak errentamendu-prezio bereziak ditu, eta pertsona juridikoek eta fisikoek eskura ditzakete*:

Ekintzaileak, enpresak, kooperatibak eta autonomoak.
Elkarteak, GKEak eta irabazi-asmorik gabeko erakundeak.
Tokiko, probintziako edo erkidegoko instituzioak.

Erakunde horietakoren bat ordezkatzen baduzu, merkataritza- eta/edo gizarte-proiektuak aurkez ditzakezu edozein unetan urtean zehar.

* Eskatutako higiezin baten lizitazioaren kasuan, kaudimen ekonomiko frogagarria eskatuko da.

Higiezinen bilatzailea

Proposamenik duzu?

Proposamenak baloratzeko printzipioak

Higiezinen errentamendu-proposamenak Garapenerako aktiboak programaren xedearekin eta orientazioarekin bat datozen printzipio batzuen arabera baloratuko ditu Adif-ek. Beraz, erakunde eskaintzaileen proiektuen alderdi sozialak, ekonomikoak eta ingurumenekoak hartuko dira kontuan, bai garatu beharreko jardueraren izaeraren ikuspegitik, bai jarduera horrek ingurunean dituen inpaktuetatik aplikatuta.

Horregatik guztiagatik, hauek dira proposamenak baloratzeko Gizarte Erantzukizunaren eta Jasangarritasunaren printzipioak:

Proiektuaren bideragarritasun tekniko-ekonomikoa
Inguruan duen eragin soziala (lanpostuak, baliabide erakarpena...)
Jardueraren izaera eta bertan alderdi sozialak eta ingurumenezkoak aplikatzea:
- Proiektuaren produktu edo zerbitzu mota
- Desgaitasuna duten pertsonentzako irisgarritasuna
- Bazterketa-arriskuan dauden kolektiboak kontuan hartzea
- Eraginkortasun energetikoa
- Ekonomia zirkularra eta hondakinen kudeaketa
- Etab.
Aliantzak eta lankidetzarako proposamenak

Gainera, proposamena onartzen bada, proiektuaren bideragarritasuna erraztuko duten baldintzak aplikatuko dira errentamendua negoziatzeko : epe luzerako alokairua, gabealdirako aukera, lege-esparruaren araberarako gutxieneko gizarte-errenta, etab.

Programan parte hartzeko eskaera-inprimakia

Programan sartutako higiezinetako batean interesatuta bazaude, bidal iezaguzu inprimakia zure datuekin eta eremuen menuan hau aukeratu: GARAPENERAKO AKTIBOAK. Zurekin harremanetan jarriko gara.

Programako higiezinekin zerikusia duten proposamenek baino ez dute erantzunink jasoko, eta horietako bakoitzak erreferentzia bat dauka esleituta datu-basean, formularioan sartu beharrekoa.

Mesedez, proposamen bat egin aurretik, berretsi higiezinaren arduradunarekin interesatzen zaizun higiezinaren erabilgarritasuna. Eskuragarri dauden higiezinei buruzko informazioa aldian-aldian eguneratzen da, baina litekeena da programako higiezin bat konprometituta egotea kontsulta egiten den unean errendamendu-konpromiso hori programaren datu-basearen azken eguneratzearen ondoren gertatu delako. Higiezinak eskuragarri daude erakundeak edo errendatzeko interesa duen pertsonak proposamen irmoa egin arte.

Inprimakia bete