Adif-ek eta Adif AHk bere Ondare eta Hirigintza Zuzendaritzaren bidez saltzen ditu trenbide-sistemari lotuta ez dauden higiezinak, gizarte osoarentzat onuragarria izango den balioa sortzeko.
Hala, trenbide-sistemaren garapen jasangarriari laguntzen zaio, Gobernuak ezarritako politikekin bat.
Adif-ek eta Adif AHk merkatura saltzeko eskaintzen dituzten higiezin-produktuak era askotakoak dira, baina funtsean hauek dira:
-
Etxebizitzak
-
Negozio-lokalak
-
Lurzatiak
Adif-ek eta Adif AHk salgai jarri dituzte ondare-izaerako higiezinak, bi prozeduraren bidez:
ENKANTEA
Publizitate- eta konkurrentzia-printzipioak errespetatuz, Adif-ek eta Adif AHk, beren web-orriaren eta beste bitarteko batzuen bidez, higiezina edo higiezin-multzoa erosteko interesa dutenek eskaintza ekonomikoak gutxieneko erosketa-prezio baten arabera egiteko balio behar duen arau-orria argitaratzen dute.
Aipatutako orrian higiezinaren ezaugarri nagusiak, eskaintzaileak bete beharreko baldintzak eta eskaintza ekonomikoak jendaurrean irekitzeko eguna eta ordua azaltzen dira.
Adif-ek eta Adif AHk eskaintza ekonomiko onuragarriena eskaintzen duenari esleituko diote eraikina. Higiezina esleitu ondoren, esleipendunak berme ekonomiko bat jarri beharko du, higiezina notario aurrean saldu ondoren itzuliko dena.
Halaber, esleipendun gertatzen ez diren eskaintzaileei itzuli egingo zaie jarritako fidantza.
Salbuespen gisa, lehiaketa bidezko salmenta prozesuak hasi ahal izango dira, eta horietan eskaintza ekonomikoaz haraindiko beste faktore batzuk hartuko dira kontuan, kasuan kasuko baldintza-orrietan aldez aurretik zehaztutakoak.
ZUZENEKO SALMENTA
Enkantean jartzen diren higiezinak esleitu ez badira. Adif-ek eta Adif AHk erosteko aukera eskaintzen diote merkatuari. Baldintza horiek ez dira inoiz enkantearen agirietan iragarritako gutxieneko prezioak baino txikiagoak izango.
Higiezin horiek enkantean jarri zirenetik urtebeteko epean erosi ahal izango dira. Horretarako, Adif-en web orrian argitaratuko da haien zuzeneko salmenta, denboraldi horretan.
Interesdunek higiezinaren prezioaren % 5 ordaindu beharko dute. Diru-sarrera hori egiaztatu ondoren, salmenta zuzeneko prozedurari ekingo zaio, baina %5 horren kontsignazioak ez du eskuratze eskubiderik ematen, eta zuzeneko esleipenaren bidez erosteko eskaera tramitatzeko ezinbesteko eta aurretiazko baldintza besterik ez da.