Elcano

Modu errazean, tren-trafikoari buruzko informazioa kudeatzea eta iragarpen-sistemak eta geltokiko kontrol-sistemak monitorizatzea ahalbidetzen du, bai eta bidaiariei ematen zaien informazioa kontrolatzea ere. Horri esker, eskainitako zerbitzuaren kalitatea eta geltoki-sare osoan emandako informazioaren kalitatea hobetzen dira.

Elcano Rail aplikazioak trenen posizioa eta egoera jarraitzen ditu, tren-planifikaziotik eta erregulazio eta seinale sistemek denbora errealean eskainitako informaziotik abiatuta.

Elcano Rail aplikazioak Adif-en sare osoaren informazioa ematen du (abiadura handia eta ohiko sarea).

Elcano Info sistemak bidaiariei informazioa ematen die geltokietan, megafonoen eta ikus-entzunezko gailuen (panelak, videowall-ak eta pantailak) bidez.

Elcano Info, gaur egun, 340 geltoki baino gehiagotan dago erabilgarri.

Elcano View sistemak denbora errealean ikustarazten ditu sareko elementuen egoera eta trenen posizioa eta egoera, mapa geoerreferentziatu eta sinoptiko zehatzen bidez.

Elcano View sistemak azpiegituren egoerari eta ohiko sareko eta abiadura handiko trenen posizioari buruzko informazio zehatza eskaintzen du.

Elcano Near sistemari esker, hurrengo trenei buruzko informazioa eskaini daiteke saltoki-guneetan, hoteletan edo aireportuetan jar daitezkeen pantailetan. Interneterako konexioa baino ez da behar.

Elcano Near Espainiako aireportu nagusietan dago.

Elcano App aplikaziori esker, sarearen eta trenen informazio guztia izan dezakezu mugikorrean; erabiltzaileak nahi duena eska dezake eta bi geltokiren arteko trenari edo ibilbideari buruzko harpidetzak egiteko aukera du.

Elcano App aplikazioak 30.000 erabiltzaile aktibo ditu egunero.

Elcano Domo sistemak geltokietako sistemen (argiztapena, klimatizazioa eta abar) erabilera eta kudeaketa hobetzen ditu. Trenak geltokietatik pasatzen direnean ematen duten informazioaz baliatzen da sistema horien erabilera optimizatzeko.

Elcano Domo sistemak 1.200 gailu baino gehiago monitorizatzen eta kontrolatzen ditu eta langilerik gabeko geltokiak automatikoki kudeatzen ditu.

Elcano Adif-en produktu bat da eta Elecnor Deimos enpresak komertzializatu du