Estación Abierta Programa

Adif-en Erantzukizun Korporatiboko eta Jasangarritasuneko ekintzen artean, zehazki, tokiko inguruneetan gure kanpo-inpaktu soziala optimizatzen saiatzen diren ekintzen artean, Adif-ek Geltoki Irekia izeneko jarduera-programa du 2008tik.

Adif-ek kudeatzen dituen tren-geltokietan kultur, gizarte eta ingurumen arloko ekimenak koordinatu eta garatzeko tresna da programa hau, betiere erantzukizun sozialaren eta helburu komertzialik gabeko irizpideen arabera.

Haren helburua da geltokiak ingurunearekin duen lotura soziala bultzatzea eta, hartara, Adif-ek bere jarduera garatzen den tokietan ematen duen balioa handitzea. Programak hiru jarduketa ardatz ditu: 

• Geltokia ingurunera irekitzea (bisitak)
• Balioetan sentsibilizatzea, irabazi-asmorik gabeko erakunde batzuekin lankidetzan arituz (erakusketak, informazio-mahaiak, bazkideak edo funtsak erakartzea, flashmoba, kontzertuak, etab.).
• Artista berriak sustatzeko kultur ekintzak (kontzertuak, erakusketak, etab.)

Adif-en Geltoki Irekia programa Adif-ek hirugarren sektorearekiko lankidetza gauzatzeko duen tresna nagusia da, eta haren eskura jartzen du, doan, plataforma bikain bat (urtero 150 milioi pertsona baino gehiago igarotzen dira Adif-en geltokietatik), helburuak lortzen lagunduko dieten jarduerak egiteko, eta, aldi berean, geltokiek balio handiagoa dute herritarrentzat, kultura-, gizarte- edo ingurumen-edukiak ematen baitizkiete.

Irabazi-asmorik gabeko erakundeekiko lankidetza-lana laneko barne-prozedura batek arautzen du, eta, horri esker, guneko eskaerei emandako erantzunen homogeneotasuna bermatzen da, irizpide esplizitu eta partekatuen bidez, erakunde horien sarrera-bidea edozein dela ere; halaber, hirugarren sektoreko erakundeekiko arreta- eta erantzun-prozesua arinagoa eta gardenagoa da.

Adif eta Adif AH geltokietan jardueraren bat egin nahi duten irabazi asmorik gabeko erakundeek (elkarteak eta fundazioak) eta erakunde publikoek eskaera-formularioa eta bertan aipatzen diren agiriak beteta bidali behar dituzte.