O Real Decreto 2395/2004,do 30 de decembro, modificado en sucesivas ocasións, a última polo Real Decreto 1044/2013, do 27 de decembro, aproba o Estatuto da Entidade Pública Empresarial Administrador de Infraestruturas Ferroviarias (ADIF) polo que se establece, no seu artigo 15, a composición do Consello de Administración, no artigo 16 as competencias do mesmo e no artigo 21 a disposición de que os membros do devandito Consello que asistan ás súas sesións reciban as compensacións económicas que autorice o Ministro de Facenda e Función Pública.
Por outra banda, o artigo 28.1 do Real Decreto 462/2002, do 24 de maio, sobre indemnizacións polo servizo, establece que o Ministro de Facenda e Función Pública poderá autorizar, excepcionalmente, o pagamento pola asistencia ás reunións dos órganos de administración de Organismos Públicos.
Así mesmo, o Real Decreto 451/2012, do 5 de marzo, polo que se regula o réxime retributivo dos máximos responsables e directivos no sector público empresarial e outras entidades, prevía a clasificación das entidades en tres grupos segundo os criterios alí establecidos. Tamén se prevé que a categoría na que estea clasificada a entidade determinará o número de membros do seu órgano de administración e terase en conta para os efectos de fixar os importes máximos a pagar por concepto de asistencias ás reunións que celebre o mesmo, de conformidade co disposto no artigo 28 do Real Decreto 462/2002, do 24 de maio, sobre indemnizacións por razón do servizo. O Real Decreto 451/2012 desenvolveuse por Orde do 12 de abril de 2012 do Ministro de Facenda e Administracións Públicas, quedando a entidade pública empresarial Administrador de Infraestruturas Ferroviarias (ADIF) encadrada no Grupo 1 da mencionada Orde.
Con base no exposto, a Secretaría de Estado de Orzamentos e Gastos emitiu sucesivas Resolucións que ampliaron a autorización contida na do 18 de xaneiro de 2005 para proceder ao pago de indemnizacións en concepto de asistencias ás reunións do mesmo.
A última autorización foi emitida por Resolución da Secretaría de Estado de Orzamentos e Gastos, con data 9 de febreiro de 2018, pola que se establece que, a partir do 1 de xaneiro de 2018, será válida durante os anos 2018 e 2019, segundo o disposto na Resolución da Secretaría de Estado de Orzamentos e Gastos do 9 de decembro de 2016, que prorrogaba a autorización contida na resolución do 29 de decembro de 2014 pola que se autoriza o pagamento de indemnizaciones en concepto de asistencias aos membros do Consello de Administración do ADIF pola concorrencia ás súas reunións, por un importe máximo de 11.523,27 € anuais, para un total de 11 sesións. Este límite reducirase proporcionalmente cando o número de sesións sexa inferior a once.
